Qirg‘iziston va Tojikiston chegarasida yana nizo chiqdi
Bir kishi jarohat olib, kasalxonaga yetkazilgan.
Qirg‘iziston-Tojikiston chegarasida mahalliy aholi o‘rtasida mojaro kelib chiqdi, Qirg‘iziston fuqarosi havoga uch marta ogohlantiruvchi o‘q uzdi, deb xabar qildi Qirg‘iziston Milliy xavfsizlik davlat qo‘mitasi chegara xizmati.
“Davlat chegarasining qirg‘iz-tojik uchastkasida Tojikiston va Qirg‘iziston fuqarolari o‘rtasida mojaro yuz berdi”, — deyiladi chegara xizmati xabarida.
Ma’lumotlarga ko‘ra, Somonen (Tojikiston) qishlog‘i orqali Daxma qishlog‘i tomon ketayotganda Qirg‘iziston fuqarosi bilan Tojikiston fuqarolari o‘rtasida o‘zaro janjal kelib chiqqan va ular qirg‘izlarga nisbatan haqoratomuz so‘z ishlata boshlagan. Ular o‘rtasida janjal kelib chiqqan.
Mojaro avj olishini oldini olish maqsadida Qirg‘iziston fuqarosi ov qurolidan foydalanib, havoga uch marta ogohlantiruvchi o‘q uzgan. Voqea holatlari va sabablariga oydinlik kiritish maqsadida hozirda IIBda yig‘ilish o‘tkazilmoqda.
Ayni paytda Tojikiston tomoni bir kishining kasalxonaga yotqizilgani haqida xabar bermoqda.
Qayd etilishicha, kaltakalangan fuqaro kasalxonaga yotqizilgan, Ikki davlat chegarachilari muzokaralar olib bormoqda.
Tojikistonlik rasmiylar voqea yuzasidan hozircha izoh bermagan.
