Yevropa gaz isteʼmolini 24%ga kamaytirdi
Kuzning issiq kelgani va gaz narxi oshishi YеIga yordam bermoqda.
YеI davlatlari noyabr oyida gaz isteʼmolini 24%ga kamaytirdi. Natijada Rossiya energiya resurslariga qaramlikdan chiqish doirasida so‘nggi 5 yilning o‘rtacha ko‘rsatkichlaridan kamroq gaz sarflandi.
Qayd etilishicha, RF yoqilg‘isining eng yirik isteʼmolchilari - Germaniya va Italiya mos ravishda gaz isteʼmolini 23% va 21% ga qisqartirgan. Fransiya va Ispaniya 20%, Niderlandiya 30%dan kamroq gazdan foydalangan.
Kunning issiq bo‘lgani ham talabni kamaytirdi. Bunga qo‘shimcha ravishda gaz qimmatlashgani ham uning tejalishiga olib keldi.
ICIS hisobotida aytilishicha, Yevropa gazga bo‘lgan talabni yana-da kamaytirib, parallel ravishda suyultirilgan tabiiy gaz importini oshiradi va shu yo‘l bilan bir necha yillik tanqislikning oldini oladi.
