O‘rta Chirchiqda qorovul ko‘mir isidan zaharlandi
Holat bo‘yicha FVV ma’lumot berdi.
Kecha, 5-dekabr kuni Toshkent viloyatining O‘rta Chirchiq tumanida qorovul ko‘mir isidan zaharlandi. Holat bo‘yicha Favqulodda vaziyatlar vazirligi ma’lumot berdi.
Qayd etilishicha, soat 10:15 da “Tuyabo‘g‘iz” suv omboridagi baliq yetishtirishga ixtisoslashgan xo‘jalikda qorovul bo‘lib ishlovchi 27 yoshli fuqaro ko‘mir isidan zaharlanib, sog‘lig‘i yomonlashgani va unga zudlik bilan yordam kerakligi to‘g‘risida viloyat FVBga xabar kelib tushgan.
“Zudlik bilan aytilgan manzilga FVV qutqaruvchilari yetib borib, fuqaroni xavfsiz joyga olib chiqishgan va birinchi tibbiy yordam ko‘rsatishgan. Shundan so‘ng malakali tibbiy yordam ko‘rsatish uchun shifoxonaga yuborilgan. Hozirda fuqaroning ahvoli yaxshi va u o‘z uyida”, — deyiladi xabarda.
