Qarshida piyodani urib, qochib ketgan haydovchi ushlandi
Hozirda unga nisbatan jinoyat ishi ochilgan.
Qashqadaryoda piyodani urib yuborib, voqea joyidan ketib qolgan haydovchi topildi. Bu haqda IIV YHXX xabar bermoqda.
Ma’lum bo‘lishicha, 5 dekabr kuni soat 20:00 larda Qarshi shahar “Nasaf” ko‘chasida “Cobalt” haydovchisi piyodalar o‘tish joyidan yo‘lni kesib o‘tayotgan piyodani urib yuborib, voqea joyidan qochib ketgan.
YTH oqibatida piyoda tan jarohatlari bilan shifoxonaga yotqizilgan. Olib borilgan tezkor surishtiruvlar natijasida “Cobalt”avtomobili hamda haydovchisi topilgan.
Hozirda holat yuzasidan haydovchiga nisbatan Jinoyat Kodeksining 266-moddasi 1-qismi va 117-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
