Dunyodagi eng kuchli va kuchsiz pasportlar reytingi e’lon qilindi
Eng kuchli pasport bilan 121 mamlakatga vizasiz borish mumkin.
Birlashgan Arab Amirliklari pasporti bilan 121 ta mamlakatga vizasiz borsa bo‘ladi. Qolaversa, amirliklar fuqarosi vizani 59 mamlakatga yetib borganidan so‘ng rasmiylashtirishi mumkin, faqat 18 mamlakatga borishdan avval ruxsat (viza) olish kerak. Umuman olganda, BAA pasporti 180 ball bilan dunyodagi «eng kuchli» pasport sifatida qayd etildi.
Reytingda keyingi o‘rinlarni Germaniya, Shvesiya, Finlyandiya, Lyuksemburg, Ispaniya, Fransiya, Italiya, Niderlandiya, Avstriya, Daniya, Shveysariya va Janubiy Koreya band etgan.
O‘zbekiston (72 ball) pasporti 69-o‘rinda (yana 6 mamlakat 69-o‘rinda): vizasiz — 28 mamlakat, yetib borgandan so‘ng viza olish — 44 mamlakat, viza talab qilinadi — 126 mamlakat.
Taqqoslash uchun: AQSH (172 ball) pasporti bilan 116 mamlakatga, Rossiya (123 ball) pasporti bilan 78 mamlakatga vizasiz borish mumkin.
«Eng kuchsiz» pasport Afg‘onistonniki (38 ball), faqat 5 mamlakat afg‘on fuqarolariga vizasiz kirishga ruxsat bergan.
