O‘zbekiston Afg‘onistonga elektr energiyasi yetkazib berishni to‘xtatdimi?
Bu bo‘yicha vazirlik maʼlumot berdi.
O‘zbekiston Afg‘onistonga elektr energiyasi yetkazib berishni to‘xtatmadi. Bu haqda Energetika vazirligi xabar qildi.
Qayd etilishicha, hozirda bitta “Naibobot 1” elektr uzatish tarmog‘i orqali elektr energiyasi yetkazib berilmoqda. Ikkinchi “Naibobot 2” tarmog‘ida texnik nosozliklar tufayli taʼmirlash ishlari olib borilmoqda. Shu munosabat bilan Afg‘onistonga elektr energiyasi eksporti qisqargan, biroq to‘xtatilgani yo‘q.
“Shu kunlarda 125 MVt elektr energiyasi yetkazib berilmoqda”, — deyiladi xabarda.
