Rossiya va Ukraina o‘rtasida Rojdestvo sulhi yo‘q
Moskva Kiyevdan bunday taklif olsa, ko‘rib chiqishga tayyor.
Rossiya hukumati Ukrainadan Rojdestvo sulhini o‘rnatish bo‘yicha hech qanday taklif olgani yo‘q. Bu haqda prezident matbuot kotibi Dmitriy Peskov maʼlum qildi.
Uning so‘zlariga ko‘ra, hech kimdan takliflar kelib tushmagan va bunday mavzu kun tartibida ham yo‘q. Spiker Ukrainadan shunday taklif kelsa, javob berishga tayyor ekanini qo‘shimcha qilgan.
Peskov, shuningdek, AQSH Ukrainaga Patriot zenit-raketa tizimlarini yetkazib berishga qaror qilgani haqidagi maʼlumotlarga izoh berdi.
“Bizning zamonda OAV xabarlari ishonchsiz narsa, shuning uchun biz rasmiy maʼlumotni kutamiz”, — dedi u.
Avvalroq Amerika OAVlari Pentagondagi manbalariga tayanib, Oq uy Ukrainaga Patriot tizimlarini yuborishga tayyorgarlikni yakunlayotgani haqida xabar bergandi.
