"Dadamning avtomobilini haydashga qiziqqanim uchun uni katta ko‘chaga olib chiqqandim"
Andijonda o‘smir 2 nafar tengdoshini urib yubordi.
Joriy yilning 7-dekabr kuni soat 22:30 atrofida otasiga tegishli bo‘lgan “Matiz” avtomashinasini haydovchilik guvohnomasiga ega bo‘lmagan 14 yoshli bola ko‘chaga haydab chiqib ketgan.
Katta tezlikda avtomobilni boshqarib ketayotgan “haydovchi” avtomobil boshqaruvini yo‘qotishi natijasida yo‘l chetida turgan yuk avtomashinasining o‘ng tomon qismiga borib urilgan. Oqibatda yo‘lovchi sifatida ketayotgan ikki nafar 14 yoshli maktab o‘quvchilari ko‘rsatilgan tibbiy yordamlarga qaramay vafot etgan. Avtomashinani boshqargan voyaga yetmagan bola tan jarohatlari bilan shifoxonaga yotqizilgan.
“Dadamning avtomobilini haydashga qiziqqanim sababli uni katta ko‘chaga olib chiqqan edim”, – deydi avtomashinani boshqargan bola.
