Buxoroda 4 ta avtomashina YTHga uchradi
Ular orasida YPX mashinasi ham bor.
Bugun, 16-dekabr kuni Buxoro viloyatining Buxoro tumanida to‘rtta avtomashina ishtirokida yo‘l-transport hodisasi sodir bo‘ldi. Holat yuzasidan IIV YHXX maʼlumot berdi.
Qayd etilishicha, holat soat 16:10 larda Buxoro tumani «Turkon» MFY hududidan o‘tuvchi M-37 avtomobil yo‘lining 253-kilometrida yuz bergan. Nexia-3 hamda Spark rusumli avtomobillar ishtirokidagi YTHni rasmiylashtirish jarayonida YPX xodimi Y.Haydarov harakat xavfsizligini taʼminlash maqsadida Lacetti rusumli xizmat avtomobilini mayoqchalari yoqilgan holda yo‘nalishlarni ajratuvchi beton to‘siq yoniga, Nexia-3 avtomobilining orqa tomoniga joylashtirgan.
Xodimlar xizmat vazifasini bajarayotgan vaqtda 2001-yilda tug‘ilgan haydovchi S.I. eʼtiborsizligi sabab boshqaruvidagi Cobalt avtomobilida mayoqchalari yoqilgan holda to‘xtab turgan Lacetti rusumli avtomobilning orqa tomoniga to‘qnashgan.
Mazkur sodir bo‘lgan YTHlar natijasida tan jarohati olgan fuqarolar yo‘q.
