Ohangaron tuman “GAI” peshonasida Cobalt YTHga uchrab, ag‘darilib ketdi
To‘qnashuv chorrahada yuz bergan.
20-dekabr kuni Toshkent viloyatining Ohangaron tumanida ikkita avtomashina ishtirokida yo‘l-transport hodisasi sodir bo‘ldi. Holat yuzasidan viloyat IIBB YHXB maʼlumot berdi.
Qayd etilishicha, hodisa soat 16:20 larda Ohangaron tumani hududidan o‘tgan Olmaliq–Toshkent avtomobil yo‘lining 1-kilometrida joylashgan chorrahada yuz bergan. Olmaliq shahrida yashovchi haydovchi — 1991-yilda tug‘ilgan A.O‘. Damas rusumli transport vositasini boshqarib ketayotib, ushbu chorrahada Angren–Piskent yo‘nalishida harakatlanib ketayotgan haydovchi — 1967-yilda tug‘ilgan M.A. boshqaruvidagi Cobalt bilan to‘qnashgan.
YTH oqibatida harakat ishtirokchilari tan jarohati olmagan. Transport vositalariga texnik shikast yetgan.
Hozirda holat yuzasidan Ohangaron tumani IIB YHXB tomonidan surishtiruv ishlari olib borilmoqda.
