Buxoroda yovvoyi g‘ozlar o‘ldirilib, yo‘l bo‘yiga osib ketildi
Holatga rasmiylar izoh berdi.
Ijtimoiy tarmoqda Buxoro viloyatidagi “Sarmoy” posti yaqinda yovvoyi g‘ozlar o‘ldirilib, osib qo‘yilgani haqida xabar tarqaldi. Holatga viloyat ekologiya va muhitni muhofaza qilish boshqarmasi rasmiy munosabat bildirdi.
Maʼlum bo‘lishicha, A-380 magistral yo‘l yoqasida joylashgan oshxona ro‘parasida 2 nafar nomaʼlum fuqaro o‘rdak va g‘ozlarni osib qo‘yib ketgan.
Osib qo‘yilgan g‘ozlar “KEMP” oshxona rahbari D.X tomonidan o‘sha kunning o‘zida bartaraf etilgan.
Huquqbuzarlarning shaxsiga oydinlik kiritish va amaldagi qonunchilik asosida chora ko‘rish uchun viloyat IIBga birlamchi hujjatlar taqdim etilgan.
