Jizzaxda er xotinini pichoqlab o‘ldirdi
IIB hodisa sababini ma’lum qildi.
Ijtimoiy tarmoqlarda Jizzax viloyatining Sharof Rashidov tumanida oilaviy janjal sabab bir ayol eri tomonidan pichoqlab o‘ldirilgani haqida xabarlar tarqaldi. Holatga viloyat IIB munosabat bildirdi.
Ma’lum bo‘lishicha, 19 dekabr kuni soat 18:00 larda 1972 yilda tug‘ilgan B.I. va turmush o‘rtog‘i N.I.lar o‘rtasida oilaviy kelishmovchilik sababli janjal kelib chiqqan. Janjal vaqtida B.I. qo‘lida bo‘lgan oshxona pichog‘i bilan turmush o‘rtog‘ining o‘ng yelka qismiga urib tan jarohati yetkazgan. Oqibatda 1975 yilda tug‘ilgan N.I. og‘ir tan jarohati olib RSHTYOIMning Jizzax filialida ko‘rsatilgan muolajalarga qaramasdan vafot etgan. B.I. prosessual tartibda ushlanib, vaqtincha saqlash hibsxonasiga joylashtirilgan.
Holat yuzasidan O‘zbekiston Respublikasi JKning 104- moddasi 3- qismi “d” bandi bilan jinoyat ishi qo‘zg‘atilib, dastlabki tergov harakatlari olib borilmoqda.
Ta’kidlanishicha, gumonlanuvchi B.I. shu vaqtga qadar spirtli ichimlik iste’mol qiluvchilar va oilaviy janjalkashlar sifatida IIOning profilaktik hisobida turmagan.
