Eron Rossiyadan Su-35 qiruvchi samolyotni sotib oladi
Bu haqda Isroil nashrlari bong urmoqda
Isroilning bir nechta OAV Rossiya yaqin kelajakda Eronga o‘nlab Su-35 qiruvchi samolyotlari yetkazib berishini yozmoqda.
Xabarda aytilishicha, bu maʼlumot "Eron va Rossiya kelishuvlarini kuzatuvchi g‘arb razvedka manbalari"dan olingan.
Aniqlik kiritilishicha, gap dastlab Misr uchun ishlab chiqarilgan 24ta qiruvchi samolyot haqida ketmoqda. Isroil nashrlariga ko‘ra, kelishuv AQSH bosimi tufayli amalga oshmagan.
2022 yil yanvarida Fransiyaning Air&Cosmos nashri sunʼiy yo‘ldosh tasvirlariga tayanib KnAAZ hududida Misr uchun tayyorlangan Su-35 sameoyetlari saqlanayotganini yozgan.
2021 yil oxirida ularning soni 11 ta bo‘lgan, dekabrda esa 15taga yetgan. Ammo rasmiy manbalarda bu samolyotlar haqida maʼlumot chiqmagan.
2021 yil 25 dekabrida eronlik jurnalist Babak Tagvi bu Eron bu samolyotlar bilan qiziqayotganini Twitter‘da yozgan.
