Zelenskiy: Rossiya bu yil hamma narsani yutqazdi!
Ukraina prezidenti Moskva raketa zarbalari orqali o‘z mag‘lubiyatini yashirishga harakat qilayotganini aytdi.
Ukraina prezidenti Vladimir Zelenskiy yilning so‘nggi kunlari ukrainaliklar uchun og‘ir kelishidan ogohlantirdi.
"Rossiya bu yil hamma narsani yutqazdi! Ammo u bizning infratuzilmaga berilgan ommaviy raketa zarbalarini propaganda shoularda nishonlab o‘z mag‘lubiyatini xaspo‘shlamoqchi. Ular faqat shunga xursand, kasal odamlar!", — degan u tungi videomurojaatida.
Shuningdek, Zelenskiy Moskva yilning so‘nggi kunlarini qorong‘u va murakkab qilishga harakat qilishini aytgan. U ukrainaliklarni havo trevogalarini tinglash va amal qilishga chaqirgan.
