9 million ukrainalik elektrsiz qoldi
Bu mamlakat aholisining deyarli to‘rtdan bir qismini tashkil etadi.
Ukraina Prezidenti Vladimir Zelenskiy 26 dekabr, dushanba oqshomiga ko‘ra, mamlakat aholisining deyarli to‘rtdan bir qismi, yaʼni 9 millionga yaqin ukrainaliklar elektr taʼminotisiz qolganini aytdi.
“Bugun tunda Ukrainaning turli mintaqalarida 9 millionga yaqin odam elektr tarmog‘idan uzilgan. Ammo o‘chirishlar soni va davomiyligi asta-sekin kamayib bormoqda. Bu natijani taʼminlagan har bir kishiga rahmat”, — dedi Zelenskiy videomurojaatida.
10 oktyabrdan beri Rossiya armiyasi muntazam ravishda Ukraina infratuzilmasiga raketa zarbalari berib kelmoqda. Rossiya Mudofaa vazirligi harbiy qo‘mondonlik va boshqaruv obyektlari hamda mamlakat energetika tizimlarini zarbalar nishoni sifatida tanlagan. Zelenskiyning so‘zlariga ko‘ra, energetika obyektlarining o‘qqa tutilishi va yo‘q qilinishi sababli Ukrainaga qo‘shimcha 2 milliard kub metr gaz kerak bo‘ladi.
