Istanbul aeroportida reyslar bekor qilindi
Shahar qalin tuman ichida qolgan.
50 ga yaqin reyslar qalin tuman tufayli Istanbulning yangi aeroportiga yo‘naltirildi. Bu haqda «RiaNovosti» nashri yozmoqda.
Ertalab shahar sharqidagi Sabiha Go‘kchen aeroportiga qo‘nishi kerak bo‘lgan 49 ta xalqaro reys shimoldagi yangi Istanbul aeroportiga yo‘naltirilgan.
Bir qator qatnovlar, asosan, Turk Havo Yo‘llari reyslari bekor qilingan.
Istanbuldagi noqulay ob-havo sharoiti tufayli bunday hodisalar tez-tez uchrab turadi, biroq hozirda qayta yo‘naltirilgan reyslar soni rekord darajaga yetdi. Sinoptiklar Istanbul hududida qalin tuman jumagacha davom etishini taxmin qilmoqda.
