Toshkentdagi 16 ta OTMda o‘qish 09:30 dan boshlanadi
Bu bo‘yicha vazirlik qarori qabul qilingan.
31 ta OTMda dars jarayonining boshlanish vaqti o‘zgaradi, deya xabar bermoqda Oliy va o‘rta maxsus taʼlim vazirligi.
Qayd etilishicha, Toshkent metropolitenida yo‘lovchi oqimini to‘g‘ri taqsimlash, talabalarning o‘z vaqtida dars mashg‘ulotlariga yetib borishlari uchun qulaylik yaratish maqsadida bekatlarga yaqin joylashgan oliy taʼlim muassasalarining maqbullashtirilgan ish grafigi tasdiqlangan.
Unga ko‘ra, 2023-yil 9-yanvardan 31 ta OTMlari talabalari o‘zgargan grafik asosida darslarga qatnashadi.
Bu o‘zgarish tig‘iz vaqtlarda metropolitenda yo‘lovchi oqimini maqbullashtirish bilan bog‘liq. Tegishli taʼlim muassasalarida ish grafigi maqbullashtirilgandan so‘ng tig‘iz vaqtlarda metropolitenda yo‘lovchi oqimini to‘g‘ri taqsimlash bo‘yicha qo‘shimcha choralar ko‘riladi.
Quyidagi oliy taʼlim muassasalarida darslar 9:30 dan boshlanadi:
– Nizomiy nomidagi Toshkent davlat pedagogika universiteti;
– Singapur menejmentni rivojlantirish instituti;
– Puchon universiteti;
– TMS instituti;
–Toshkent davlat iqtisodiyot universiteti;
– G.V. Plexanov nomidagi Rossiya iqtisodiyot universiteti Toshkent filiali;
– O‘zbekiston davlat konservatoriyasi;
– Vebster universiteti;
– Toshkent kimyo-texnologiya instituti;
– Toshkent farmatsevtika instituti;
– Toshkent davlat yuridik universiteti;
– Toshkent moliya instituti;
– Muhammad al Xorazmiy nomidagi Toshkent axborot texnologiyalari universiteti;
– Toshkent davlat texnika universiteti;
– Jahon iqtisodiyoti va diplomatiya universiteti;
– Yangi O‘zbekiston universiteti.
Eslatib o‘tamiz, qishki taʼtil tugab, dars jarayonlarining boshlanish sanasi 9-yanvar, dushanba kuniga to‘g‘ri keladi. 5-yanvardan esa talabalar turar joyi o‘z ishini boshlaydi.
