Erdog‘an ikki Vladimir — Putin va Zelenskiyga sim qoqdi
Turkiya prezidenti ikki davlatni yarashtirish uchun harakat qilishda davom etmoqda.
Urush masalasi bo‘yicha tinchlik saʼy-harakatlari bir tomonlama o‘t ochishni to‘xtatish bilan qo‘llab-quvvatlanishi kerak. Bu haqda Turkiya prezidenti Rajab Toyyib Erdog‘an Kreml rahbari Vladimir Putin bilan telefon suhbatida maʼlum qildi.
Turkiya rahbarining fikricha, tinchlik o‘rnatish uchun “adolatli yechim qarashlari” kerak.
Erdog‘on maʼmuriyati bayonotida, prezidentlar energetika va Qora dengiz don yo‘lagini muhokama qilgani va Erdog‘an Putinga Suriya chegara hududini kurd jangarilaridan tozalash bo‘yicha aniq qadamlar haqida gapirgani aytilgan.
Avval xabar qilinganidek, Anqara yetakchisi Ukraina prezidenti Vladimir Zelenskiy, shuningdek, Vladimir Putin bilan alohida muzokaralar o‘tkazishni rejalashtirgan.
Shuningdek, Putin Erdog‘an bilan suhbatda Moskvaning muloqot uchun ochiqligini aytgan. Ammo u Kiyevdan RF talablarini bajarishni va yangi hududiy o‘zgarishlarni hisobga olishni talab qilgan.
Bundan tashqari, janob Erdog‘an Vladimir Zelenskiy bilan ham qo‘ng‘iroqlashdi. U ukrainalik hamkasbi bilan ham tinchlik muzokaralariga qaytish masalasini ko‘rib chiqqan.
