15 urinishdan so‘ng AQSH Kongressi vakillar palatasi o‘ziga spiker sayladi
So‘nggi 100 yil davomida spikerlar birinchi turdan so‘ng lavozimiga saylangan, ammo bu safar ovoz berish jarayoni 15 turga cho‘zildi.
Ovoz berishning 15-turi natijalariga ko‘ra, Respublikachilar partiyasi yetakchisi Kevin Makkarti AQSH Kongressi Vakillar palatasi spikeri etib saylandi. Unga quyi palataning 216 deputati ovoz berdi. Yana olti nafar qonunchi nomzodlarning birortasiga ovoz bermaslikni maʼqul ko‘rdi.
Vakillar palatasi spikeri etib saylanish uchun 218 ovoz kerak. Biroq quyi palataning olti nafar aʼzosi taklif etilgan nomzodlar uchun ovoz berishdan bosh tortdi, shuning uchun janob Makkartining qo‘lga kiritishi uchun zarur bo‘lgan ovozlar soni 216 tagacha qisqartirildi.
Ovoz berishning 15-turida Demokratlar partiya Hakim Jeffris nomzodini bir ovozdan qo‘llab-quvvatladi. Unga avvalgi barcha turlardagi kabi 212 kishi ovoz berdi. Janob Jeffris avvalroq Kongressdagi birinchi qora tanli partiya rahbari etib saylangan edi.
Kevin Makkarti quyi palata spikeri uchun kurash doirasida 2024-moliya yili uchun davlat xarajatlarini taxminan 75 milliard dollarga qisqartirishni taklif qildi. “Bloomberg” maʼlumotlariga ko‘ra, janob Makkartining g‘oyasi qo‘llab-quvvatlanmadi.
Yangi spikerni saylash masalasi bo‘yicha bahs to‘rt kun davom etdi. Oxirgi 100 yil davomida Vakillar palatasida maʼruzachilar birinchi turda ko‘pchilik ovoz bilan saylangan. Kongress aʼzolari spiker saylanmaguncha qasamyod qila olmadilar.
