Belarusda “raqamli qaroqchilik” qonuniylashtirildi
Endi media materiallardan egasining roziligisiz foydalanish mumkin.
Belarusda yangi qonun raqamli materiallardan xorijiy mualliflik huquqi egalarining roziligisiz foydalanishga ruxsat beradi. Hokimiyat buni “jamiyatning intellektual, maʼnaviy-axloqiy salohiyatini rivojlantirish” bilan izohladi.
Raqamli qaroqchilik mamlakatda amalda qonuniylashtirilgan. Belarusning Milliy huquqiy internet portalida eʼlon qilingan yangi qonun mamlakatda filmlar, musiqa va kompyuter dasturlaridan “do‘stona” mamlakatlarning mualliflik huquqi egalarining roziligisiz foydalanishga ruxsat beradi. Hujjat, shuningdek, Belorusga xorijiy huquq egalarining ruxsatisiz tovarlarni olib kirishni qonuniylashtiradi.
Xorijiy kompyuter dasturlari, musiqa, teledasturlar va “audiovizual asarlar” to‘g‘risidagi maqolada ulardan foydalanganlik uchun haq to‘lanishi ko‘rsatilgan. Patent organining hisob varaqlariga kiritilgan haq uch yil ichida talab qilinmagan taqdirda, bu pul davlat byudjetiga o‘tkaziladi. Prezident Aleksandr Lukashenko tomonidan imzolangan yangi qonunga ko‘ra, mualliflik huquqi egasining ruxsatisiz tovarlarni olib kirish jinoyat deb hisoblanmasligi uchun uni ro‘yxatga kiritish kifoya.
