Buxorodagi "gaz zapravkalar"da 26 millard so‘mdan ortiq tabiiy gaz talon-toroj qilindi
Holat yuzasidan jinoyat ishi qo‘zg‘atilgan.
Buxoro viloyati IIBning maʼlum qilishicha, joriy yilning 5 yanvardan 6 yanvarga o‘tar kechasi ayrim metan gaz yoqilg‘i quyish shoxobchalarida o‘rganishlar o‘tkazilgan.
Xususan, “Dildora” MCHJning Vobkent tumanidagi 2 ta, «Osiyo Buxoro gaz», «Norboyev Sherzod Yunusovich» va «Grant gaz servis»MCHJlarning Buxoro shahridagi, «Real ximik» MCHJ ning Buxoro tumanidagi jami 6 ta metan quyish shoxobchalari ko‘zdan kechirilgan.
O‘rganish davomida, “Dildora” va «Osiyo Buxoro gaz» MCHJlarga qarashli 3 ta shoxobchalarga kelgan tabiiy gaz quvurlariga o‘rnatilgan “Avtopilot-PRO”«rusumli gaz hisoblash uskunasidagi mavjud impuls trubkasi mahkamlanganda, gaz o‘tish harakati pasayishi natijasida, haqiqatdan gaz diafragmasidan o‘tayotgan gaz hajmi sunʼiy ravishda kamaytirilgan holda ko‘rsatilishiga erishilganligi aniqlangan.
Natijada “Dildora” MCHJga qarashli 2 ta shoxobcha tomonidan 11,1 mlrd. so‘mlik (11.162.880 m3) hamda «Osiyo Buxoro gaz» MCHJga qarashli shoxobcha tomonidan 15,1 mlrd. so‘mlik (15.153.6003), jami 26,2 mlrd. so‘mlik tabiiy gaz yashirin ravishda talon-toroj qilingan.
Hozirda mazkur holatlar yuzasidan JKning 169-moddasi 4-qismi bilan jinoyat ishi qo‘zg‘atilib, tergov harakatlari olib borilmoqda.
