Orban G‘arbni yangi sovuq urushni boshlashda aybladi
Vengriya bosh vaziri mamlakat yaqin yillar ichida mintaqaviy yetakchi davlatga aylanishi kerakligini maʼlum qildi.
Ukraina mojarosi va mavjud dunyo tartiboti inqirozi fonida G‘arb yangi sovuq urushni boshladi. Bu haqda Vengriya bosh vaziri Viktor Orban Sell Kalman nomidagi jamg‘armada tashkil etilgan Rojdestvo tadbirida gapirgan. Uning nutqi tesizlari Mandiner nashrida eʼlon qilindi.
Janob Orban Vengriya turli mojarolardan chetda turishi va G‘arbning raqobatchilari bilan munosabatlarni saqlab qolishi kerakligini aytgan. Uning fikricha, Budapesht oldida turgan eng katta strategik vazifalardan biri — Markaziy Yevropa mintaqasi yetakchi davlatiga aylanish.
Bosh vazir yangi dunyo tartibotini iyerarxik tarmoqlar tizimiga o‘xshashini taxmin qilgan. Orbanning so‘zlariga ko‘ra, barcha iqtisodiy, siyosiy va madaniy aloqalar tashkil etilgan bloklarning yetakchi davlatlari orqali amalga oshiriladi.
