Buxoroda kuyov qaynukasini pichoqlab qo‘ydi
Bunga oilaviy janjal sabab bo‘lgan.
Vobkentda fuqaro spirtli ichimliklar isteʼmol qilgan mast holatda qaynukasiga og‘ir tan jarohati yetkazdi.
Buxoro viloyati IIBning maʼlum qilishicha, joriy yilning 5 yanvar kuni soat 22:00 larda Vobkent tumani “Quruvchi” mahallasida yashovchi, 1987 yilda tug‘ilgan P.A. ismli shaxs spirtli ichimlik isteʼmol qilgan mast holatda o‘zining yashash uyida qaynukasi Vobkent tumani Arablar qishlog‘ida yashovchi, 1998 yilda tug‘ilgan S.M. bilan oilaviy kelishmovchilik sababli janjallashib qoladi. Janjal vaqtida qo‘lidagi oshxona pichog‘i bilan uni chap yelka qismiga qasddan bir marta urib, hayot uchun xavfli bo‘lgan og‘ir shikast yetkazgan.
Mazkur holat yuzasidan tuman IIB tomonidan A.P.ga nisbatan O‘zbekiston Respublikasi Jinoyat kodeksining 104-moddasi 2-qismi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.
