Ismatulla Ergashev AQSH elchisi bilan muzokara o‘tkazdi
Ular Afg‘onistondagi vaziyatni muhokama qilgan.
Bugun, 9-yanvar kuni O‘zbekiston Respublikasi Prezidentining Afg‘oniston bo‘yicha Maxsus vakili Ismatulla Irgashev AQSHning Favqulodda va Muxtor Elchisi Jonaton Devid Xenik bilan muzokaralar o‘tkazdi. Bu haqda Tashqi ishlar vazirligi xabar bermoqda.
Qayd etilishicha, tomonlar Afg‘onistondagi mavjud vaziyat, O‘zbekiston va AQSHning afg‘on inqirozini hal qilish borasidagi saʼy-harakatlarini muhokama qilgan.
“Afg‘onistonning yangi hukumati tomonidan xalqaro hamjamiyatning asosiy talablari bajarilishi, ayniqsa, xotin-qizlarning mehnat va taʼlim olish huquqlari taʼminlanishi zarurligi qayd etildi”, — deyiladi xabarda.
