Prezident bo‘lgandan buyon ilk bor Bayden Meksika bilan chegaraga bordi
Amerika-Meksika chegarasida noqonuniy migrantlar tufayli vaziyat og‘irligicha qolmoqda.
Jozef Bayden AQSH Prezidenti bo‘lganidan buyon ilk marta Meksika bilan chegaraga bordi. El-Paso shahrida u Texas shtati gubernatori Greg Ebbot bilan uchrashgan.
Prezidentga avtomobillar tintuvi va narkotiklarni qidirish ishlari namoyish qilingan. Ebbot amaldagi administratsiyaning migratsion siyosatini tanqid qilib keladi. U Baydenga ushbu siyosatning chegarada beqarorlikka olib kelgani haqida xatni topshirgan.
Oq uy rahbari El-Pasoda bir necha soat bo‘lgan. ushbu shahar chegarani noqonuniy kesib o‘tish uchun eng yirik yo‘lak hisoblanadi.
