Rossiya nefti joriy qilingan narxdan ancha arzon sotilmoqda
Mamlakat uni chegirma bilan sotish zaruratiga duch kelgan.
Rossiya nefti yarim jahon narxlarida va G7 tomonidan joriy qilingan shiftdan (barrel uchun 60 dollar) ancha arzon sotilmoqda. Bu haqda «Bloomberg» nashri xabar berdi.
6 yanvar kuni Primorsk portida Urals nefti bir barreli uchun 37,80 dollardan sotilgan, shu kunning o‘zida jahon benchmarki Brent bir barreli 78,57 dollardan sotilgan.
«Bloomberg» taxminlariga ko‘ra, 5 dekabr rus neftining dengiz orqali tashilishi taqiqlangach, bozorda shunday vaziyat shakllandi. Bundan tashqari, Rossiya neft narxining chegaralanishi mamlakatning Xitoy va Hindistonga qaramligini oshirdi. Shu sababli Rossiya Federatsiyasi, agentlik yozganidek, neftni chegirma bilan sotish zaruratiga duch kelmoqda.
9 yanvar kuni Rossiyada 10 ming tonna neft 218 million rubl yoki bir barrel uchun 42,19 dollardan sotilgan.
