AQSHda kimyo zavodi portladi
Shahar maʼmuriyati atrofdagi aholidan ehtiyot chorasi sifatida boshpanalarda qolishni so‘ragan.
Bugun, 12 yanvar kuni Lasal shahrida (Illinoys shtati) kimyo zavodida kuchli yong‘in sodir bo‘ldi.
Portlash yuk tashish bo‘limidagi yuk tashish konteynerida yuz bergan. Voqea joyida tez yordam guruhi ishlamoqda.
Aniqlanishicha, zavod Carus kompaniyasiga tegishli bo‘lib, u suv, havo va tuproqni tozalash uchun kimyoviy moddalar va boshqa mahsulotlarni ishlab chiqaradi.
Shahar maʼmuriyati atrofdagi aholidan ehtiyot chorasi sifatida boshpanalarda qolishni so‘ragan.
Huquq-tartibot idoralari vakillarining so‘zlariga ko‘ra, yong‘in mahalliylashtirilgan. Korxona xodimlari binoni tark etishga muvaffaq bo‘lishdi, jabrlanganlar yo‘q.
