O‘zbekiston TIV Kobuldagi portlash yuzasidan bayonot eʼlon qildi
Terrorchilik harakati oqibatida tashqi siyosat idorasi xodimlari ham halok bo‘lgan.
O‘zbekiston Respublikasi Tashqi ishlar vazirligi Kobuldagi terrorchilik harakati yuzasidan bayonot eʼlon qildi.
“Joriy yilning 11-yanvar kuni Kobul shahrida Afg‘oniston Tashqi ishlar vazirligi binosi yaqinida sodir etilgan terrorchilik xurujini keskin qoralaymiz”, — deyiladi xabarda.
Ushbu qabih harakat ko‘plab insonlar, asosan, tashqi siyosat idorasi xodimlari orasida qurbonlarga sabab bo‘lgan.
Vazirlik halok bo‘lganlarning oila aʼzolari va yaqinlariga chuqur hamdardlik bildirib, jarohatlanganlarning tezroq sog‘ayib ketishini tilagan.
