Rossiya Britaniyaga nisbatan sanksiyalar kiritdi
Ro‘yxatga 36 nafar shaxs kiritilgan.
Rossiya Tashqi ishlar vazirligi Buyuk Britaniyaga qarshi sanksiyalarni kengaytirishga qaror qildi.
Ro‘yxatga Vazirlar Mahkamasining 36 nafar yangi aʼzosi, huquqni muhofaza qiluvchi organlar va jurnalistlar korpusi vakillari kiritilgan. Hozircha ularning ismlari eʼlon qilinmagan.
“Buyuk Britaniya rasmiylarining dushmanona harakatlari javobsiz qolmasligini va Kiyev rejimini qo‘llab-quvvatlash G‘arb davlatlariga qimmatga tushishini eslashga majburmiz. Tarix shuni ko‘rsatadiki, aniq faktlarni hamma ham idrok eta olmaydi”, — deyiladi TIV xabarida.
Eslatib o‘tamiz, Rossiya Britaniya fuqarolariga nisbatan oxirgi marta 2022-yil sentyabrga sanksiyalar kiritgandi. 24-fevralda harbiy amaliyot boshlanganidan beri Buyuk Britaniya ham Rossiya fuqarolariga qarshi bir necha bor shaxsiy sanksiyalar kiritgan.
