Shahzoda Garrining kitobi rekord darajada sotildi
Hozirda qo‘shimcha nashrga buyurtmalar berilgan.
Britaniya shahzodasi Garrining avtobiografiyasi — «Spare» AQSH, Kanada va Buyuk Britaniyada 1,43 million nusxadan ortiq sotilgan. Bu haqda “Kommersant” nashri yozmoqda.
Sotuvning birinchi kunidayoq kitobning qog‘oz va elektron formatdagi 1,43 milliondan ortiq ingliz tilidagi nusxalari xarid qilingan. Bunday ko‘rsatkich nashriyot uchun rekord bo‘ldi. AQSHda Britaniya shahzodasi avtobiografiyasiga bo‘lgan bunday yuqori talab fonida nashrga qo‘shimcha partiya yuborilgan.
Shahzoda Garrining ispan tilidagi kitobi xatolik tufayli 5 yanvar kuni sotuvga chiqqan. G‘arb OAVlari tomonidan eʼlon qilingan kitobda Britaniya shahzodasining qirollik oilasidagi munosabatlari va Afg‘onistondagi xizmati bayon qilingan.
