Bektemirlik deputatlar anomal sovuqda aksiya tashkil etdi — foto
Ayni kunlarda mintaqamiz bo‘ylab kuzatilayotgan anomal sovuq hukmronlik qilmoqda. Sovuq havoda sanoqli daqiqalarni ham o‘tkazish qiyin. Mutasaddilar bunday sharoitda zarurat bo‘lmasa ko‘chaga chiqmaslikni so‘radi.
Anomal sovuq bektemirlik deputatlarni birlashtirdi. Ular yegulikka muhtoj aholi qatlami, kam taʼminlangan oilalar, yolg‘iz va keksalar Uy-joy kommunal xizmat ko‘rsatish sohasi, Obodonlashtirish boshqarmasi hamda Yo‘l harakati xavfsizligi xodimlariga issiq yeguliklar tarqatdi.
"Shunday soha vakillari borki, ular na issiq, na sovuq, na kun, na tun demay el-yurt ravnaqi, sarhadlarimiz mustahkamligi, vatanimiz tinchligi, obodligi va ko‘rkamligi yo‘lida doimo xizmatda. Bunday ob-havo sharoitida yo‘l harakati xavfsizligi xodimlari ham yo‘l harakati ishtirokchilarini xavfsizligini taʼminlash yo‘lida har doimgidan ko‘ra ko‘proq xizmat qilmoqda. Shu bois bugun bektemirlik deputatlar qiyinchilikni yengish yo‘lida birlashdik", — O‘zbekiston Ekologik harakati Bektemir tuman kengashi deputati Nigora Tadjibayeva.
