Jonson yana Ukrainaga bormoqchi
Britaniya sobiq bosh vaziri o‘tgan yili uch marta Zelenskiy bilan uchrashgandi.
Buyuk Britaniya sobiq bosh vaziri Boris Jonson tez orada Ukrainaga tashrif buyurishi mumkin. The Guardian maʼlumotlariga ko‘ra, bu orqali amaldagi hukumat rahbari Rishi Sunakning mavqeiga jiddiy putur yetkazilishi mumkin.
Konservativ partiyaning qator yuqori martabali amaldorlari tashrif ortidan Zelenskiy va Sunak munosabatlari sovuqlashishidan xavotir bildirgan.
"Nizo hali-beri tugamaydi. Boris Daunmpn-stritni to‘liq qo‘llab-quvvatlamasligini bildirishi kerak emas. Uning tashrifi esa London va Kiyevning rasmiy kanallar orqali berayotgan signallariga xalal bermasligi lozim", — degan Britaniya parlamenti aʼzosi, konservator Tobias Ellvud.
Ukrainadagi manbalar Jonsonda haqiqatdan ham tashrif bo‘yicha rejalar borligini, ammo uning aniq sanasini bilmasligini maʼlum qilgan. Sobiq bosh vazirning rasmiy vakili esa ushbu xabarlarga izoh berishdan bosh tortdi.
Boris Jonson o‘tgan yili, hukumat rahbari bo‘lib turganda Ukrainaga uch marta tashrif buyurgan. Amaldagi bosh vazir Rishi Sunak esa 2022 yil noyabrida Vladimir Zelenskiy bilan uchrashgandi.
