Qirg‘izistonda Asqar Akayevga nisbatan tergov ishlari to‘xtatildi
Mamlakat birinchi prezidenti "Qumtor" oltin koni bo‘yicha jinoyat ishi doirasida bir necha tergovga chaqirilgan edi.
Qirg‘iziston Bosh prokuraturasi mamlakatning birinchi prezidenti Asqar Akayevga nisbatan «Qumtor» oltin koni bilan bog‘liq jinoiy ish bo‘yicha tergovni to‘xtatdi. Bu haqda TASS xabar berdi.
Shunday qilib, Akayevga qo‘yilgan barcha jinoiy ayblovlar olib tashlandi. Avvalroq Qirg‘izistonning birinchi rahbariga nisbatan boshqa epizodlar bo‘yicha tergov ishlari to‘xtatilgan edi.
Oilasi bilan Moskvada yashab kelayotgan Akayev o‘tgan yili va 2021 yilda«Qumtor» ishi bo‘yicha guvohlik berish uchun vataniga kelgan. Bu kon Qirg‘izistonning shimoliy-sharqiy qismida joylashgan bo‘lib, yiliga 15 tonnaga yaqin oltin qazib olinadi. Ilgari uni o‘zlashtirish bilan kanadalik investorlar shug‘ullangan, keyinroq kon milliylashtirildi.
2005 yil aprel oyida Akayev va uning oila aʼzolariga nisbatan bir necha jinoiy ish qo‘zg‘atilgan, shu jumladan korrupsiya moddasi bo‘yicha. Hozirda ularning barchasi to‘xtatilgan yoki tugatilgan.
