Zelenskiy ofisi: Ukraina G‘arbdan og‘ir texnika olishni boshladi
Hozirda qadar Kiyev ittifoqchilari va xalqaro tashkilotlar tomonidan 150 milliard dollarlik yordam ko‘rsatilgan bo‘lib, ularning uchdan bir qismi harbiy maqsadlarda sarflangan.
Ukraina G‘arbdan og‘ir texnika olishni boshladi. Bu haqda Vladimir Zelenskiy ofisi rahbari Andrey Yermak maʼlum qildi.
"Ittifoqchilar bilan hamkorligimiz davom etmoqda. Shuni ayta olamanki, biz og‘ir texnika olishni boshladik", — degan u.
OAV maʼlumotlariga ko‘ra, Ukraina 2022 yil 24 fevraldan buyon 150,8 milliard dollarlik yordam oldi. Ularning uchdan bir qismi — 48.5 milliard dollar harbiy maqsadlarda sarflangan.
AQSH, Buyuk Britaniya va YI harbiy yordam ko‘rsatish bo‘yicha yetakchi bo‘lib turibdi.
