Axiyri Klopp “yorildi”
Kecha “Liverpul” navbatdagi mag‘lubiyatni qabul qilib oldi.
Angliya chempionati 20-turida “Liverpul” safarda 0:3 hisobida “Brayton”ga yengildi.
“Yomon. Chindan ham hammasi yomon. Bundan yomonrog‘ini eslay olmayman. Ehtimol, bu uncha qiyin emasdir. “Brayton” qoyilmaqom harakat qildi, ularning g‘alabasi haqli qo‘lga kiritildi. Ular haqiqatan juda yaxshi o‘ynashdi. Bu tartibli jamoaning uncha o‘yini chiqmagan jamoaga qarshi bahsi edi. To‘pni topshirdik, bo‘sh joy juda ko‘p edi. Ularda o‘ziga bo‘lgan ishonch bor edi, bizda esa unday emasdi.
Ularni juda xursand holda tasavvur qilmoqdaman, chunki bu ajoyib o‘yin bo‘ldi va ko‘p vaziyatlarda ularga buning uchun juda oson zamin yaratib berdik. Nima bo‘lyapti? Yana o‘sha ayrim futbolchilar uchrashuvni ajoyib o‘tkazishdi, ammo tartib bo‘lmasa, bugungidek holat kuzatiladi. Doimo biroz kechikdik va shunga o‘xshash vaziyatlar. Futbolda ikkita eng yomon narsa bor – asosiy o‘yinlarda g‘alaba qozona olmaslik va to‘pni juda oson yo‘qotish”, — dedi Klopp.
