Baxtiyor Saidov Buyuk Britaniya Elchisini qabul qildi
Uchrashuvda ikki tomonlama munosabatlarning bugungi holati va uni rivojlantirish istiqbollari yuzasidan atroflicha fikr almashildi.
20-yanvar kuni Tashqi ishlar vaziri v.b. Baxtiyor Saidov Buyuk Britaniya va Shimoliy Irlandiya Birlashgan Qirolligining Favqulodda va Muxtor Elchisi Tim Torlotni qabul qildi.
Ikki tomonlama munosabatlarning bugungi holati va uni rivojlantirish istiqbollari yuzasidan atroflicha fikr almashildi.
Iqtisodiy diplomatiyani faollashtirishdan o‘zaro manfaatdorlik bildirildi. Shu nuqtai nazardan, qo‘shma sarmoyaviy loyihalarni amalga oshirish hamda o‘zaro tovar ayirboshlashni kengaytirish istiqbollari ko‘rib chiqildi.
Xalqaro va mintaqaviy ahamiyatga molik ayrim masalalar, xususan, ikki davlatning Afg‘oniston yo‘nalishidagi o‘zaro hamkorligi muhokama qilindi.
Uchrashuv kun tartibidan, shuningdek, fan-taʼlim yo‘nalishidagi sheriklik aloqalarini rivojlantirish, mehnat migratsiyasi sohasida hamkorlikni yo‘lga qo‘yish, madaniy-gumanitar aloqalarni kengaytirish va parlamentlararo muloqotni yana-da mustahkamlash masalalari ham o‘rin oldi.
