RF mudofaa vazirligi tomida havo hujumidan mudofaa tizimlari paydo bo‘ldi
Bu nimani anglatadi?
Payshanba kuni Rossiya telegram-kanallarida mudofaa vazirligi tomiga o‘rnatilgan "Pansir-S1" havo hujumiga qarshi mudofaa tizimi suratlari paydo bo‘ldi.
Harbiy tahlilchilardan biri Maykl Borovis suratlar ikkita joydan olinganini, birinchisida Frunze sohil bo‘yidagi mudofaa vazirligi tasvirlanganini aytgan.
Boshqa surat "Taganskaya" metrosi yaqinida olingan. Bu yerda harbiy kiyimdagi odamlar kran orqali "Pansir-S1" ni ko‘tarayotganini ko‘rish mumkin.
Harbiy bloger Boris Rojinning fikricha, bu ehtimoliy dronlar hujumini oldini olish uchun qilinmoqda.
O‘tgan yili rossiyalik harbiylar namoyishkorona bombapanalar qurgandi. Bundan tashqari, Yangi yil kechasi Moskva osmonini havo va raketa hujumiga qarshi mudofaa bo‘linmalarining 1800 harbiy xizmatchisi qo‘riqlashi eʼlon qilingan.
2022 yilda Ukraina dronlari 2 marta Saratov viloyatidagi Engels aerodromiga zarba bergan. Bu hudud Ukraina chegarasidan Moskvaga qadar teng uzoqlikda joylashgan.
"Pansir-S1" fuqarolik va harbiy obyektlarni past balandlikda uchadigan qurilmalar hujumidan himoya qilish uchun mo‘ljallangan.
