Tasodifan o‘chirib yuborilgan fayllar AQSHda barcha ichki aviareyslarni to‘xtatilishiga sabab bo‘lgan
O‘tgan hafta Qo‘shma Shtatlarda uchuvchilarni ogohlantirish tizimi ishdan chiqqandi. Oqibatda 10 mingdan ortiq reyslar to‘xtatib qo‘yilgandi.
AQSHda 11 yanvar kuni NOTAM uchuvchilarni ogohlantirish tizimi ishlamay qolgandi. Natijada mamlakatdagi barcha ichki aviareyslar bir necha soatga to‘xtatilgandi. Amerika fuqarolik aviatsiyasi federal agentligi tizim nima uchun ishlamay qolganini maʼlum qildi.
“Agentlik hozircha kiberhujum yoki boshqa tajovuzkor harakatlar bo‘yicha dalillar topgani yo‘q. Katta ehtimol bilan tizim ishlamay qolishiga fayllarning tasodifan o‘chirib yuborilishi sabab bo‘lgan”, — deyiladi agentlik axborotida.
NOTAM to‘xtab qolishi oqibatida 10 ming reys ichki va xalqaro reyslar to‘xtatib qo‘yilgan va 1.3 mingi bekor qilingandi.
