Britaniya Ukrainaga vertolyotlar yubordi
Bu safar ularning soni maʼlum qilinmagan.
Buyuk Britaniyaning “See King” nomli vertolyotlari Ukrainaga yetib keldi. Bu haqda mamlakat mudofaa vaziri Aleksey Reznikov maʼlum qildi.
“Buyuk Britaniyadan Ukrainadagi Qora dengiz bo‘yiga vertolyotlar yetib keldi! Bu Ukraina harbiy-dengiz kuchlari uchun katta yordamdir. Hamkorligimiz yanada rivojlanadi”, — deb yozgan Reznikov o‘zining Twitter sahifasida.
Vazir bu safar Ukrainaga kelgan vertolyotlar sonini aytmagan.
Eslatib o‘tamiz, noyabr oyida Britaniya hukumati uchta “Sea King” qidiruv-qutqaruv vertolyotlarini Ukrainaga o‘tkazishga qaror qilgani haqida xabar berilgandi.
