Zelenskiy davlat idoralarida tozalash o‘tkazmoqchi
Hozirga qadar bir qator amaldorlar ishdan olingan.
Vladimir Zelenskiy davlat xizmatchilariga xorijda dam olishni taqiqladi va qator amaldorlarni ishdan oldi.
O‘zining kunlik videomurojaatida Ukraina yetakchisi milliy xavfsizlik kengashi “prinsipial” qaror qabul qilganini va mahalliy deputatlardan tortib kuchishlatar tizim vakillarigacha xorijda dam olishni taqiqlaganini aytgan.
Shu bilan birga turli darajadagi vazirliklar va tizimlarda kadrlar o‘zgarishi bo‘yicha maʼlumot bergan. Zelenskiy aniq nomlarni aytmagan bo‘lsa-da, OAVda bir qator amaldorlarning nomini keltirgan.
Masalan, Ukraina bosh prokurori o‘rinbosari Aleksey Simonenko Yangi yilda Ispaniyaga borgan. UNIAN nashriga ko‘ra, undan o‘z xohishiga ko‘ra ariza yozishni so‘rashgan.
Bundan tashqari, Ukraina prezidenti ofisi rahbari o‘rinbosari Kirill Timoshenko ham isteʼfoga chiqarilgan. U mamlakatdagi eng yirik korrupsionerlardan biri sifatida ko‘riladi. Ayrim OAVga ko‘ra, Timoshenkoning bo‘shatilishi ortida shaxsan AQSH turibdi.
