1-aprelgacha viloyatlarda 5 tadan mikromarkaz ishga tushiriladi
Bu Prezident boshchiligidagi yig‘ilishda maʼlum qilindi.
Bugun, 25-yanvar kuni Prezident Shavkat Mirziyoyev raisligida kambag‘allikni qisqartirish, aholi bandligini taʼminlash va kichik biznesni qo‘llab-quvvatlashga bag‘ishlangan videoselektor yig‘ilishi bo‘lib o‘tmoqda.
Maʼlum qilinishicha, mahalladagi ishsiz aholini daromadli qilish maqsadida 1 mingta mahallaga xizmat ko‘rsatuvchi 300 ta mikromarkaz tashkil etish dasturi boshlangan.
Davlat rahbari 1 aprelga qadar har bir viloyatda kamida 5 tadan mikromarkazni ishga tushirish zarurligini taʼkidladi.
Joriy yilda G‘ijduvon, Buloqboshi, Zangiota, Farg‘ona tumanlari, Qo‘qon, Marg‘ilon, Urganch shaharlarida kamida 20 tadan shunday markazlarni tashkil qilish topshirildi.
Umuman, 2023 yilda yana 1 million aholini kambag‘allikdan chiqarish vazifasi qo‘yildi.
