O‘zbekistonda kambag‘allikni qisqartirish uchun xitoylik ekspertlar jalb qilinadi
Mamlakatda bu bo‘yicha yagona tizim joriy etiladi.
Bugun, 25-yanvar kuni Prezident Shavkat Mirziyoyev raisligida kambag‘allikni qisqartirish, aholi bandligini taʼminlash va kichik biznesni qo‘llab-quvvatlashga bag‘ishlangan videoselektor yig‘ilishi bo‘lib o‘tmoqda.
Taʼkidlanishicha, endilikda O‘zbekistonda kambag‘allikni qisqartirishga masʼul 5 ta idora yaxlit tizimga aylantirildi.
Unga ko‘ra, mehnat resurslari va ishsizlik hisobini yuritish ham, bandlikka ko‘maklashish va tadbirkorlikni mahallabay rivojlantirish ham bitta — Kambag‘allikni qisqartirish va bandlik vazirligida bo‘ladi.
Ushbu vazirlikka kambag‘allikni qisqartirish bo‘yicha Xitoydan katta tajribaga ega ekspertlar jalb qilinadi.
