Baydenning shaxsiy yon daftarlari musodara qilindi
Ularga maxfiy maʼlumotlar qayd etilgan bo‘lishi mumkin.
Federal qidiruv byurosi AQSH prezidenti Jo Baydenning uylaridan birida uning shaxsiy yon daftarlarini musodara qildi. FQB ularni Delaver shtatida qo‘lga kiritgan maxfiy hujjatlar ro‘yxatiga qo‘shgan.
Qayd etilishicha, daftarlar tergov uchun qiziqish uyg‘otadi, chunki Baydenning baʼzi yozuvlari uning vitse-prezident sifatidagi rasmiy faoliyati, jumladan, Obama prezidentligi davridagi diplomatik faoliyati tafsilotlari bilan bog‘liq va ularda maxfiy maʼlumotlar bo‘lishi mumkin. Bloknotlarda Baydenning shaxsiy va rasmiy mavzudagi turli qaydlari bor.
Daftarlarning baʼzi sahifalari potensial maxfiy maʼlumotlarni o‘z ichiga olmasa ham, Prezident yozuvlari to‘g‘risidagi qonunga muvofiq davlat mulki hisoblanishi mumkin.
