Turkiyada ichida sayyohlar bo‘lgan 2 ta avtobus YTHga uchradi
Hodisa joyiga ketayotgan tez yordan mashinasi ham ag‘darilib ketgan.
Turkiyaning markaziy qismidagi Nig‘de viloyatida sayyohlik avtobuslari ishtirokida ikkita YTH sodir bo‘ldi.
Sayyohlar bo‘lgan mikroavtobus nomaʼlum sababga ko‘ra trassada ustunga borib urilgan. Hodisa oqibatida avtobus haydovchisi, gid hamda Braziliya, Kolumbiya, Meksika, Boliviya, Urugvay, Argentinadan kelgan 12 nafar sayyoh jarohat olgan.
Jarohatlanganlarga yordam berish uchun ketayotgan tez yordam mashinasi ham avariyaga uchradi, u yo‘llarning muzlagani tufayli ag‘darilib ketgan va olti nafar shifokor jarohat olgan.
Taxminan shu vaqtda Oqtosh qishlog‘i yaqinidagi trassada yana bir sayyohlik mikroavtobusi ag‘darilib ketgan, natijada 59 yoshli yo‘lovchi halok bo‘lgan va 27 nafari jarohatlangan. Haydovchi politsiya tomonidan fojia holatlari aniqlanguniga qadar hibsga olingan.
