Britaniya Bosh vaziri o‘z do‘stini ishdan bo‘shatdi
U soliq ishi bo‘yicha qonunlarni jiddiy buzgan.
Buyuk Britaniya Bosh vaziri Rishi Sunak o‘zining hukmron Konservativ partiyasi raisi Nadxim Zaxavini soliq ishi bo‘yicha jiddiy qonun buzilishi aniqlanganidan so‘ng ishdan bo‘shatdi va hukumatdan chetlatdi.
Sunak Bosh vazir lavozimiga kirishgach, Vazirlar Mahkamasi barcha darajada halol, professional va masʼuliyatli bo‘lishiga vaʼda bergan.
Zaxavi soliq idoralari tomonidan aniqlangan qonunbuzarliklarni tan oldi, biroq uning xatosi eʼtiborsizlik natijasi bo‘lganini aytmoqda.
Zaxavi Buyuk Britaniya G‘aznachiligini 2022 yilning iyulidan sentyabrigacha, Boris Jonsonning Bosh vazirlik faoliyatining so‘nggi oylarida boshqargan.
