Fransiyadagi pissa oshpazi 16 yildan beri qochib yurgan “mafiya” ekani aniqlandi
U 1991-yil yanvar oyida ikkita qotillik va 1991-yil iyul oyida qotillikka urinish uchun umrbod qamoq jazosiga hukm qilingan.
Interpol Fransiya sharqidagi Sent-Etyen shahrida 16 yil davomida qochib yurgan “mafiya” qo‘lga olingani haqida xabar berdi, deb yozadi Euronews agentligi.
Kalabriya mafiyasining «Ndrangeta» laqabi bilan tanilgan 63 yoshli Edgardo Greko payshanba kuni ertalab hibsga olindi.
U 1991 yil yanvar oyida ikkita qotillik va 1991 yil iyul oyida qotillikka urinish uchun umrbod qamoq jazosiga hukm qilingan.
Fransiya politsiyasi Grekoni ikki hamkor davlatning I-Can loyihasi doirasida (Interpolning Ndranghetaga qarshi hamkorligi) bir qismi sifatida italyan karabineri tomonidan baham ko‘rilgan maʼlumotlarga asoslanib hibsga oldi.
Italiya ichki ishlar vaziri Matteo Piantedosi ushbu muhim qo‘shma operatsiyadan juda mamnun ekanini bildirdi.
Italiyaning AGI axborot agentligi xabariga ko‘ra, Greko Sent-Etyendagi pissaxonada Paolo Dimitri ismi bilan pissa oshpazi bo‘lib ishlagan.
Taxminlarga ko‘ra, u o‘zi yashagan Kozensa shahridagi eng muhim Perna-Pranno klanining aʼzosi bo‘lgan.
O‘tgan oy karabinerlar Sitsiliyaning Palermo shahrida 30 yildan beri yashirinib yurgan italiyalik mafiya Matteo Messinu Denaroni hibsga olishgan edi.
