"Ikkinchi xotin" haqidagi reklama olib tashlandi
Raqobatni rivojlantirish va isteʼmolchilar huquqlarini himoya qilish qo‘mitasi bu kabi noqonuniy reklamalarga qarshi.
Respublikamiz hududlaridagi tashqi reklama va axborot vositalari orqali Elmakon savdo belgisining “Ikkinchi xotin”ga g‘amxo‘rlik qiling” mazmunidagi reklamalari joylashtirilgani maʼlum bo‘ldi.
Raqobatni rivojlantirish va isteʼmolchilar huquqlarini himoya qilish qo‘mitasi bu kabi noqonuniy reklamalarga qatʼiy ravishda qarshiligini yana bir bor taʼkidladi.
“Reklama to‘g‘risida”gi Qonunining 16-moddasiga asosan, reklama va axborot vositalaridan foydalangan holda milliy va oilaviy anʼanalarga, shuningdek axloq va maʼnaviyatning umum qabul qilingan normalariga zid bo‘lgan shakllar, iboralar va obrazlardan foydalanishga yo‘l qo‘yilmaydi.
"Oila bu muqaddas dargoh. Oila jamiyatning asosiy negizidir. O‘z navbatida, yuqoridagi holat qo‘mita tomonidan nazoratga olingan va ularni bartaraf qilinishi taʼminlandi", — deyiladi Raqobatni rivojlantirish va isteʼmolchilar huquqlarini himoya qilish qo‘mitasi xabarida.
