Zilzila Turkiyani joyidan “qo‘zg‘atib yubordi”
Yer silkinishi paytida Turkiyada 150 kilometrli yoriq paydo bo‘lgan
Turkiyadagi zilzila ortidan Italiya vahimaga tushib qoldi. Zilziladan so‘ng Italiyada ham sunami xavfi eʼlon qilindi va hukumat fuqarolarda sohillarga yaqinlashmaslikni so‘radi.
Birozdan so‘ng Italiyada sunami xavfi bekor qilingan bo‘lsa-da, plyajlarga yaqinlashmaslik ogohlantirishi olib tashlanmadi.
Italiya geofizika va vulqonshunoslik milliy instituti OAV oldida bayonot bilan chiqdi va zilzila xaritasini eʼlon qildi.
“Turkiya bir necha soniya ichida siljib, eni 3 metr, uzunligi 150 kilometrli chuqur paydo bo‘ldi”, — deydi institut rahbari Karlo Dolyoni.
Mutaxassislar bu juda katta siljish ekanini aytmoqda. Turkiyadagi bu yoriq Arabiston plitasi orqali o‘tgan ham bo‘lishi mumkin.
So‘nggi yarim asr davomida hudud seysmik faollashgan. Olimlar bunday zilzila qaytishi mumkinligidan ham ogohlantirmoqda.
Arabiston plitasi – Yaqin sharqdagi plita bo‘lib, u Arabiston yarimoroli va uning shimoli, jumladan Baxrayn, Suriya, Qatar, BAA va Eronning ayrim qismlaridan o‘tgan.
