“Shimoliy oqim”ni AQSH portlatgan—AQSH jurnalisti
Boltiq dengizidagi gaz o‘tkazgichlar 2022-yil kuzida ishdan chiqqandi.
Amerikalik taniqli jurnalist Seymur Xershning taʼkidlashicha, 2022-yilning yozida amerikalik g‘avvoslar NATO mashg‘ulotlari niqobi ostida “Shimoliy oqim” ostiga portlovchi moddalar qo‘ygan va norvegiyaliklar ularni faollashtirgan.
Uning yozishicha, Jo Bayden ichki xavfsizlik guruhi bilan 9 oydan ortiq davom etgan maxfiy muzokaralardan so‘ng portlash qarorini shaxsan maʼqullagan.
Seymur Xersh — Amerikaning Vyetnam urushidagi jinoyatlari bo‘yicha surishtiruvlar o‘tkazgani uchun Pulitser mukofoti bilan taqdirlangan eng mashhur amerikalik jurnalistlardan biri. Shuningdek, uning maqolasi Abu Greyb qamoqxonasida amerikalik harbiylarning iroqlik mahbuslarga shafqatsiz munosabati bilan bog‘liq janjalni boshlab bergandi.
Keyinchalik bu xabarlar AQSH rasmiylari tomonidan rad etildi.
