Xitoy Osiyo davlatlarida ham josus sharlar uchirgan—AQSH razvedkasi
Bu orqali harbiy infratuzilmalar maʼlumoti yig‘ilgan.
Xitoy bir necha yillardan beri razvedka sharlari orqali Osiyo mamlakatlaridagi harbiy inshootlar haqida maʼlumot to‘plagan. Bu haqda AQSH razvedkasi xabar qilmoqda.
Maʼlumotlarga ko‘ra, XXR armiyasi keng qamrovli kuzatuv dasturi doirasida beshta davlatda havo sharlaridan foydalangan.
Pekin Yaponiya, Hindiston, Vetnam, Filippin va Tayvandagi harbiy infratuzilma haqida maʼlumot to‘plash uchun aerostatlarni ishlatgan.
“Xitoyliklar nihoyatda eski texnologiyani olib, uni zamonaviy aloqa va kuzatuv bilan birlashtirdi”, — deyiladi xabarda.
